前言

早晨，我係魚毛。
之前魚撚開始寫新手指南嗰陣，發現可以寫嘅嘢實在太多，新手未必咁易吸收，但又覺得呢啲嘢都有講嘅需要。所以呢篇文開始會講啲較複雜嘅情況，同埋啲較subtle嘅規。希望大家睇完會對遊戲嘅QA有更深了解。

應用篇：續．A/B句式(手牌破棄)

先由最簡單，但好多player都會拗嘅跌hand系情況講起。當對面手牌有張唔食效嘅卡（如絕甲），唔同嘅跌hand效執唔執行到呢？其實根據返佢哋嘅句式就可以好容易解釋。

全部手牌破棄 (Nova/女顯/破滅の女神)

我哋先睇Nova同女顯呢兩個example:

超神星龍效果係單純的「破棄相方的手牌/手元」，但另一邊嘅女顯係Part 1 提及過嘅「藉由式」 (することで）寫法。複習一下：

超神因為冇其他連帶句式，唔會影響到效果成唔成功發揮。破棄時只要儘可能達成效果，淨低唔食效嘅卡即可。
但當對方手牌存在自帶不受效果嘅卡，女顯就無法達成「對方破棄全部手牌」呢一部分 (會破棄淨唔食效嘅卡 = 冇做到「破棄全部」呢件事)。因此成個效果會被對方手中一張絕甲擋下。

Quick question: 咁以下呢兩張卡係咪又係破棄唔比開成條效呢?

所以當對方手牌存在自帶不受效果嘅卡，都唔會產生「能否發揮效果part A」嘅問題。但同時都係無法達成PartA「對方破棄全部手牌」嘅情況，仲記得一開始嘅補充嗎?

因此Part B都唔可以發揮，變成「砍完hand冇得抽翻牌」嘅情況。

選擇對象手牌(白世)

若然由發效方唔睇hand咁選擇手牌，如果揀中唔食效嘅卡就冇得再揀過，對面比你睇完收翻張卡上手，彷彿冇事發生過咁。
You have one chance, but it's your only chance.

應用篇：續．效果發揮順序

唔知大家會唔會打deck嘅時侯比人做一串效排完心諗「你他媽，條效咁排你玩晒啦」呢? 以下會有幾個較容易出現嘅情況，希望解釋一下比大家了解吓成個過程同原理。

五聖童子/封召時卡 vs 以lv2召喚嘅銃震竜 & 鐵騎王

我哋先睇睇五聖boy嘅效果:

其他封__類大致上都一樣，有兩點值得注意:

1. 以spirit/ultimate/brave/nexus為對象  => 可以被抗性擋下

2. 持續/常時發揮  =>  會比你嘅「召/配置時」效果更優先參照

呢兩點分別對應緊細標題中嘅兩個情況。
lv2落枱嘅銃震竜バレル・ドラゴン因為持續發揮效果優先處理，派藍甲會喺召喚時效果前發揮。有甲嘅銃震竜亦因為咁有抗性可以擋下封召效，繼續進行佢嘅早擊2。
另一邊廂嘅鐵騎王就冇咁好彩了。五聖童子嘅持續發揮效果搶喺鐵騎王召派抗前處理封咗佢召效，你條效係派抗都攞唔切。

鯊魚三賢over my cold volcano

又係一個持續發揮效果優先處理嘅例子。我地先列出個流程:-

三賢嘅「召喚」以及凍火山嘅「增手時破棄」兩條效係鯊魚仔「加count抽2跌2」嘅引申效果，時點上同時，由turn player排次序。
如果決定先行召喚三賢神，三賢嘅常時護手效將會落枱當下馬上發動，後續觸發(兩次)嘅凍火山都將會被三賢護hand擋住。成個flow如下:-

自己空枱 無中生有權天白帝

One if not the most notorious 判定 of all time.
權天白帝呢個容許玩家喺自己空枱(冇change對象怪)嘅情況下，以change效果將白帝登場。

Keyword:  「這個效果發揮後」意味著喺白帝入替出來前，將會先處理完一切引申效果。而權天使高達係作為spirit破壞時引申登場。

因此成個flow會係:

冇錯，白帝自己嘅效果可以先觸發召喚權天，然後權天就可以成為白帝入替對象幫白帝登場。
順帶一提，最近出嘅哥斯拉入邊ゴジラウルティマ＜S.P＞同ゴジラ（2016）第4形態都係同樣關係。

獄風 獄炎 獄龍面鬼

［Update：圖寫晒做lv1,2，but you get the point］

講到獄風就一定係講泵珠拉怪，而提到泵珠就一定係龍面鬼。咁如果獄風拉嘅係封鎖召喚嘅獄炎咁會點處理呢？我哋又係整個flowchart出來先啦：-

Lv3嘅獄風進行攻擊時泵2core嘅效果會同時觸發召喚龍面鬼以及升到Lv4新獲得嘅拉怪。呢個位又係同時點turn player 排次序。咁suppose你選龍面鬼行先，就會比佢召喚踢珠先，然後你隻獄風仲在生Lv4就可以繼續開拉怪。
但其實因為Lv4效果都係泵2珠效果嘅引申，可以將獄風Lv4效果排喺龍面鬼之前，變成：

因為引申效會先處理完，再番轉頭繼續處理未發動嘅分支引申，從以變成：獄炎可以落枱先，發動召效封鎖召喚，最後防止龍面鬼召喚踢珠。

來吧(零)反轉地球(刀)

唔知大家記唔記得我哋第一篇指南中提及到零反會喺召效前即時cut in發動呢？零反類立即(ただちに)發動效果除咗出嗰張卡本體嘅效果之外，亦都比其他召喚時引申效果優先。
例如召喚獄風拉獄炎想獄炎落枱拉地球刀，中間會被零壁優先插入炸隻嘢，然後再處理地球刀召喚。但係要留意零反同地球刀嘅提示時點係一樣嘅，所以如果非回合方想飛完ut 劉備再合地球刀就要提示咗先，再祈禱對面冇零壁。

應用篇:續．待機狀態

オボロ三賢禁龍：臨死升多一Lv先

先複習一下待機狀態：

由呢一點可以判定嘅一個常見情景就係喺咒契約。

相棒武者オボロ攻擊時+2count炸只有一珠嘅lv1禁龍，呢個時候禁龍進入破壞待機狀態，準備解決引申效果。+2count觸發召喚三賢神，炸怪觸發禁龍破壞時效果，兩者同時點turn player排次序。
如果先排三賢神召喚，召喚同時嘅泵一珠可以target進入咗破壞待機嘅禁龍，將禁龍升到lv2。然後禁龍將會以lv2狀態處理破壞時引申，除咗兩條lv1已經有嘅破壞效，可以再處理其lv2,3破壞時效果。當呢個chain引申效全部解決完，禁龍就正式入土為安。

[震驚] 落井下石，怪已被破壞紫世仲轉醒踢珠

就好似上面三賢禁龍嘅例子說明，破壞待機狀態嘅怪都會成為效果指定對象。除咗自己嘅效卡，對方嘅卡都如此。例如當咒契仔打時炸咗對面一隻spirit觸發自己轉醒紫世界，紫世界踢到珠的話將可以指定先前被咒契仔破壞，正處於破壞狀態嘅嗰隻spirit。

這是命果最後的波紋了!你防穿吧!(失敗)

講完破壞待機係時候輪到講吹手待機。首先：-

當遇到吹走+附帶效嘅情況，如果想以被吹對象去當個附帶效的話會因此失敗。經典例子有大冰巨獸吹命果原種。

大冰巨獸CountBreak每吹到一張地會穿對面一血。如果吹嘅地之中包含命果原種時，命果原種會進入離場待機狀態。而因為今次係返回型效果嘅待機，命果原種除「離場時轉醒」之外唔會發揮到其他效果，因而阻擋唔到大冰巨獸穿血。

獄土：請問獄契仔有無在場證明?

Situation: You are 獄契仔，枱面除咗你一個之外咩怪都冇。如果你被對手離場，咩情況下可以跳獄土，咩情況唔得呢?

For your easy reference:-

除咗效果對象，召喚條件嘅參都係依照呢個原則。若然獄契係被破壞時宣言召喚獄土，就因為破壞待機狀態嘅獄契仔可以被獄土召條參照，成功滿足條件登場(注意: 如果用晒破壞待機獄仔上面啲珠去召獄土，隻仔會視為自己消滅落墳的)。但如果你隻獄契仔係被對手吹走/消滅就無法成為獄土嘅召條，唔可以提示召喚出來了。

獄土：導魔化神彈出彈入點解我唔得

本節涉及Text：離れるとき/ 離れたとき

獄土同導魔化神兩張都係一款「怪被離場就跳出來」嘅手坑。但兩張text度嘅一個小差別就足以製造出操作判定上一大分別。我地先睇睇兩張卡嘅寫法：

翻譯上獄土可以寫成「被離場時」，而導魔化神則可以譯作「被離場後」，觸發點上兩者有分別的：

講就講觸發個細點上有唔同但提示上都係「怪byebye 坑say hi」一齊扔出來比turn player排。實際分別會在當有呢條效嘅卡自己成為對象嘅情況先會見到。
先講導魔化神，因為佢嘅寫法係導魔「離れたとき」提示召喚，當化神自己被吹上手嗰一下佢會係翻到手嗰一吓觸發呢條效，造成佢可以再召回出來嘅情景。
而觸發獄土手坑效嘅點「離れるとき」係獄土比人解嗰一下。當時獄土仲係喺待機狀態未翻上手，因此判定上做唔到導魔化神咁彈入又彈出。

離れるとき/ 離れた追記：BS語

如果理解少少日文文法嘅請注意，「 離れたとき」嘅過去式同一般「破壊/消滅/戻したとき」個過去式係唔同時點的。「破壊/消滅/戻したとき」發動時點係入待機狀態時發動，即係同「離れるとき」一樣，入魂狀態前處理。
所以唔會發生「咒契仔係破壊した抽一，過去式即係揀入魂狀態先，可以令佢冇得抽」嘅情況。

手執榮光：手執個特殊nerf你都爽?

シーズグローリー a.k.a 粟米轉醒條件為「呢張magic效果令對手sp/ut破壞後」。理論上「破壞後」時點應該為對象入待機狀態時發動，只要成功炸到入待機粟米就可以轉醒，BUT：

官方QA述明如果對象怪有破壞後留場/回手等效果，粟米將不能轉醒。因此待機時效果嘅先後次序就變得重要了。

如果先排留枱/根幻回歸/離場時回手發動先，粟米就會因為QA判定而不能轉醒；反之排轉醒先就可以迴避。turn player請注意要唔要先解決留枱 以令該張粟米轉唔到醒。

然後明明霸導系列魔法都係「令對手sp/ut__後轉醒」，佢哋嘅對象留場又可以轉醒的：

對此魚毛放棄理解，特殊is特殊，我嘅答案係佢喜。大家記住就好。

另外殲滅系列等離場時爆烈，以及一般以破壞/消滅為條件嘅爆烈都必須要對象有離枱或(in the case of 破壞/消滅burst)入墳先可以發動。
以殲滅殼神為例子，如果自己嘅spirit喺破壞時因為效果留在場上，就不能觸發殲滅殼神爆裂效果。另外，契約spirit如果進入魂狀態，張卡都係視作留在場上，所以都唔會觸發爆裂。

應用篇：續・發揮時點

魁可加可減追標機制

大家應該都非常熟悉戦国将軍ジークフリート．魁呢一張泛用煌臨卡。

魁嘅召喚/煌臨時效果會先破壞對方全枱bp15000或以下sp/ut，效果發揮後，根據對方場上仲有冇bp15000或以下嘅sp/ut幫自己附加「不能被防禦」同加標。 有關魁嘅一條常見問題就係：咁如果炸完之後，bp1500或0以下嘅怪多咗少咗會唔會影響魁嘅標數?

我哋先了解一下魁加標嘅嗰part：
1. 「效果發揮後」：炸怪後要先處理完一切破壞引申效果先繼續做落去
2. 「對手有bp15000或以下的spirit/ultimate時」：必須要喺呢一下有符合條件嘅sp/ut先會觸發後續效果。
3. 「呢個回合期間，對手每有一隻呢個sp/ut(指2.嘅條件)時，呢隻spirit加一個紅標：賦予魁喺呢個回合期間根據對手場上bp15000或以下sp/ut數去加標嘅效果。因效果係回合期間持續發揮，後續對手bp15000或以下嘅sp/ut因為召喚/離場/加減bp而增加、減少嘅話，魁嘅追標都會跟住變。

應用篇: +Lv Cost消滅

怪死誰手

魚毛睇谷時日常會見到嘅一個問題就係：+lv cost算唔算佢消滅我隻怪?
Well yes, but actually no.

成件事首先我地要分成兩個部分: (i) +cost效發動嗰一下 同 (ii) 後續+cost發動期間。喺 (i) 當下因為效果+lv cost，變成唔夠core維持最低level需求嘅spirit/ut/nexus將被視作因為對手(嗰張卡嘅效果)離場，離場時引申效果及爆烈都可以發動。
嗰一下完結變成 (ii) 嘅情況時，你可以當呢個時候係平時張卡lv1左邊個(1)字加大咗，但雙方對佢郁珠消滅個責任亦一樣冇變。因為自己移珠而令sp/ut/nexus唔夠lv cost維持將視作由自己消滅嗰一張卡，「因為對方而__」嘅引申效將不可發揮。反之，由對手效果加level cost生效中踢到張嘢少過新lv cost下限所需，責任依然喺對方身上。

後記

拖咗幾個月伸手續終於成功喺67代出來前寫完。喺度想多謝魚池眾魚毛s幫手過眼本文同提供題材。下一篇會喺出嘅時候出，有咩想了解嘅QA/判決都可以去我哋個page度見到會覆吓，有價值可能會加落下篇文到。

如果有看不太懂廣東話口語卻又看到這裡的人，需要翻譯魚糧也可以提出想了解哪一部分。看到有空會回一下。感謝閱讀。

(文：魚毛、審&ideas：魚柳包，魚撚，其他魚毛s)
Page: https://www.facebook.com/profile.php?id=100093232861422&mibextid=JRoKGi